অলপতে 'শব্দৰ জোনাক' নামৰ ই-আলোচনীখন পঢ়াৰ সৌভাগ্য ঘটিল।   নিজৰ ৰাপ থকাখিনিত সোমাই পঢ়িছোঁ। সম্পাদকৰ ভাষাত এয়া ".. আধুনিক সমাজ জীৱনৰ বৈচিত্র্যময় আখ্যান"। আলোচনীখনে এই বৈচিত্র্যতাখিনি সলসলিয়াকৈ চকুৰ আগত ডাঙি ধৰি সকলো ধৰণৰ পাঠকৰ বাবেই উপভোগ্য কৰি তোলাত সফল হৈছে। গল্প, প্রবন্ধ, কবিতাৰ লগতে মহিলা, চেমনীয়া আৰু বিজ্ঞান বিষয়ৰ শিতানকেইটাই সঁচাই'... পাঠকৰ  হৃদয় উজ্জ্বল কৰি' তুলিছে। ইতিমধ্যে আমি চকু ফুৰোৱা প্রবন্ধ কেইটাৰ বিষয়-বস্তু সময়োপযোগী হোৱাৰ লগতে লেখকসকলৰ বর্ণনা আৰু বিশ্লেষণত নতুন দৃষ্টিভংগীৰ গোন্ধ পোৱা গৈছে। মহিলা আৰু চেমনীয়াৰ শিতান দুটাই আলোচনীখনৰ জেউতি বঢ়াইছে। প্ৰতিষ্ঠিত সকলৰ কথা নকও, কিন্তু ন-লেখক সকলৰ সৃষ্টিশীল চিন্তা-চর্চ্চাবোৰে আশাৰ বতৰা আনিছে। আলোচনীখনে পাঠক সমাজৰ সমাদৰ পাৱ বুলি আমাৰ বিশ্বাস। ই -আলোচনীখনে পাঠকৰ হৃদয় ইতিবাচক চিন্তাৰে আলোকিত কৰক।